Kalaam-e-Muzammil

Chehra e Amin me Jalwa e Qasim “Dekho” Masnad pe Jalwagar, Ghaus e Zamana “Dekho” Eid e Ushshaq hai Shab e Khirqa ki rasam Roobaroo e sanam masto ka machalna “Dekho”

Inki nazro se jo pile vo bahek sakta nahi Peer e Maikhana pe Umdha hua jhamgat “Dekho” Ghaus e Azam ki nayaab Amanat hai’n Amin Shah e Baghdaad ke Jalvo ka bhi Mazhar “Dekho”

Inke rang’n se hi aya’n hota hai Aashiq ka mizaj Mere Sahaha ka har rang badalta “Dekho” Konsa rang hai jo is Zaat se numaya na hua Mere Khwaja me Amin, or Amin me Khuwaja “Dekho”

Ye Gulistaan e Vilayat ke mahekta hue phool Daur e trikee me ek Shame Vilayat “Dekho” Inke dam se hai baharo ki fazaaye’n Noori Dekhne walo zara Noor e Sarapa “Dekho”

Ye Nigaho se jila Bakshde murda dil ko Bazm e Qasim me ek esa Masiha “Dekho” Doobne deta nahi inka sahara hai mujhe Muzammil ke safine ka bhavar se nikalna “Dekho”

Jigar band -E- Mustafa O Ali “Ishqi Piya hai’n” Farzand E Fataami O Hussain “Ishqi Piya hai’n”

Farsh E Zamee’n , Qudsiya’n dete Hazari Jannat se kam na Bargah E “Ishqi Piya hai’n”

Baghdaad Ki Hawaao’n ka ek lutf mil gaya Jab se ye Sar E Sham’yanaa “Ishqi Piya hai’n”

Jis Dar se bat raha hai ek Jaam E Chishtiyat Aye tishna’labo Maikhana vo ek “Ishqi Piya hai’n”

Paymanaa E Vehdat se hai sarshaar kis qadar Ghayal teri Nigah se jo “Ishqi Piya hai’n”

Joodo karam ki Barishe , vo fazl ke darya bahe Zamaane pe Faiz jaari tera “Ishqi Piya hai’n”

Tanveer E Haq ko dekhkar , Sab keh rahe honge Be Misl Be Misaal he jo. Vo “Ishqi Piya hai’n”

Adavat kufr thehri , Or Mohabbat deen hai teri Allah O Mohammad ke Qareeb “Ishqi Piya hai’n”

Azaad Jahannam se Sar E Arsh hai saare Giraftaar jo Daman me tere “Ishqi Piya hai’n”

Be Sabr Hai Mushtahaq hai Tere Jalwo ke liye Jesa hai “Muzammil” Sag e “Ishqi Piya hai’n”

Tanveer -E- Haq , Tasveer E Mustafa ho tum Tafseer -E-, Bu Turaab ho “ Qutb E Rabbani”

Shehzada E batool , Dohri Syadat hai teri Sultan Ul Auliya ho tum , “ Qutb E Rabbani”

Har Wali ne Ba’Adab tasleem ki hai Rehbari Salaar E Qafila ho tum “ Qutb E Rabbani”

Bargaah E Rab se In’aam tumko hai mila Mehboob -e- Subhaani ho tum “ Qutb E Rabbani”

Jabeen E Auliya , Jhuki dar par tere dekhi gayi Markaz e Intahae Adab. Astaa’n hai “ Qutb E Rabbani”

Mushkil Hui Asaa(n) Kaha Ya ghaus Al Madad Ho bade Mashoor tum “ Qutb E Rabbani”

Har Haal se Waqif ho apne murido ke tumhi Peer -E - Roshan Zameer ho “ Qutb E Rabbani”

Hajat Rava’n , Mushkil Kusha, Dastgeer -E-Bepanah Ummat ke Na Khuda ho tum “ Qutb E Rabbani”

Tere Dar Se chor bhi Qutub E Zamanaa ho gaye Sacha Musalmaan kar mujhe “ Qutb E Rabbani”

Mehshar me hum Sag’ano ko Tnha nahi tum chorna Tere bharose be gham hai’n hum “ Qutb E Rabbani”

Qadri maikhane se mile ek jaam e irfaani
Muzammil ki aarzoo he ye 'Qutb e Rabbani'

Noor E chashme Fatima Rang e bootaraab Hasani Hussaini Saye me chamka vo Mahatab Kyu na ho Jamaal Aapka , Jamaal -e- Elaahi Kya hum kare Sana E Mehboobe -e- Elahi

Ganj e Shakar ke faiz se hain faizyaab Aap Dono jaha(n) me Jaan E jaa roshan Hue(n) he Aap Lillah Ata kijiye vo lutfe Elaahi Kya hum kare Sana E Mehboobe -e- Elahi

Hai Surat E Insaa(n) me chupa raaz E Haqiqat Ae pakair E Shariyat O maarifat O Tariqat Ajab hai Mohabbat ki ye Tasveer Sanvaari Kya hum kare Sana E Mehboobe -e- Elahi

Shah o ke shaha tajwar nazr e karam ho khaas Tore siva Sultaan ji kis se lagaaye Aaas Dar pe tumhare Ayaa Hu(n) me ban ke savaali Kya hum kare Sana E Mehboobe -e- Elahi

Tadpa karo me Aapki Ulfat me ja baja Is Ishq me Qubool hai har chot har Saza Kaam aye “MUZAMMIL” ke ye Zauq e Kamaali Kya hum kare Sana E Mehboobe -e- Elahi

Rang ke paushaaq tere Ishq me phirte hai jaan e Janaa Apnaao ya thukraao tum , tumpe chora hai jaanejanaa

Ye manaa ke hum nahi he layaq , tumhaari khaak e Aasta(n) ke Divaane hai or Divaangi me, maaf sab kuch hai jaanejanaa

Haseen Honge Jameel Honge na mil sakegi misaal teri Husn unka Unhe Mubarak, me tujh pe shaida hu jaanejanaa

Dil E farsh par hai roshani tere dard ki kandeel se Ye karam ki aesi barishe ye ataaye Jaane Janaa

Jo Sar ba sajda hua me jab bhi teri hi soorat ko dekhta hu(n) Kufr ya Emaan Kaamil ye me na jaanoo Ay Jaane Janaa

Me Sulag uthu teri yaad me or raat ki tanhaai ho Ho Jism o Rooh me faasla Usi waqt Jaane Janaa

Mumkin nahi he roobaroo Zamaane ki bheed me Ho guftgoo kuch khuaab me humse bhi Jaane Janaa

Shakl E bashariyat me kya kya chupa rakha he “Muzammil” pe bhi aya ho ye Raaz Jaane Janaa

Manqabat Syyadul Afraad, Sultanul baghdaad, Qutubul Aqtaab, Mehboob e Subhaani Qutub E Rabbani Ghaus As Saqalain Huzoor Sarkaar Syyaduna Ghaus Al Azam Dastgeer Ki shaan E walaa me !

Suno Iltija, me Sada de raha hu , Hai Vird E Zaba(n) ho Karam Ghaus E Azam

Murido ko Gham se bari kardiya hai Kha “la Ta takhaf” tumne jab Ghaus E Azam

Shah E Auliya or Shah Jinno Insaa(n) Tumhe Na Khudaai mili Ghaus E Azam

Tumhare hi Dar se hai Alam me ronaq Mera Qalb Roshan karo Ghaus E Azam

Tum HASANI HUSSAINI Tumhi fatami ho Lajpaal Hai ghar tera Ghaus E Azam

Madina O Karbal ke he baad jo kuch Vo tere hai tera hai faqat Ghaus E Azam

Sar Hashr vo takht e Noori Sajega Tere Waaste Shaah E Shaah Ghaus E Azam

Mehshar me Rashq ,Ambiya bhi karenge Dekhkar Saltanat ko teri Ghaus E Azam

Mere chahne Walo ki ho dastgiree Vo mere hai me tera hu(n) Ghaus E Azam

Dil e natawan pe bhi Thokar lagado Jo Zinda ho Qismat meri Ghaus E Azam

Vo Mayoos ho gardisho me bhala kayu Ban ke rahe jo tera Ghaus E Azam

Murad E dil O ja(n) hai kon is Hazee(n) ka Tumhi Ghaus E Azam Tumhi Ghaus E Azam

Phire Dar Badar kyu Tumhaare bhikaari Nazar me gali ho teri Ghaus E Azam

Dua hai Faqat ye HABEEB E KHUDA se Mile Hashr me Saya E Ghaus E Azam

Karam se tumhaare Karam ho gaya hai Tere Ghar me hi me bika Ghaus E Azam

Sag E Shah E Barkaat “ Muzammil” Tumhara Ise Apna kehdo Zara Ghaus E Azam

Naib E Noor E Khuda , Aaftaab E be Misaal Iftekhaar E deen O Millat , Khawajaa E Usmaa(n) ke laal

Teri Shaan E Walaa Saltanat ka, Saani nahi Aye Sanjari Bande hai Banda Nwaaz tere , Khawajaa Usmaa(n) ke laal

Tu Noor ibn E Noor Ibn e Noor E Fataami Noor ki khairaat de Khawajaa Usmaa(n) ke laal

Turbat E Khuwaja ka karte hai Malayiik bhi Tawaaf Hai tujhe hasil ye Rutba Khawajaa Usmaa(n) ke laal

Sabka thukraya hua , dar pe tumhare agaya Tufail E panjatan jholi bharo Khawajaa Usmaa(n) ke laal

Jaari hai do jaha(n) me Darya tumhaare Faiz ka Hum par bhi ho judo Karam Khawajaa Usmaa(n) ke laal

Mohiuddin ka sadqa Moinuddin ki Chokhat Hum Quadri mangte hai tere Khawajaa Usmaa(n) ke laal

Bad Deeniyo ke daur me ek tere hote hue Mehfooz hai mera Aqida Khawajaa Usmaa(n) ke laal

Kaha Se vo Zuban laoo, jo Zikr tera kar sake Rakhlo “ Muzammil” ka bharam Khawajaa Usmaa(n) ke laal

Dil ki dunya sooni karke chal diya zehra ka Laal
Bazm e zinat the vo esi
Mustafa Haider Hasan

Hasani Hussaini rang me thi maamoor jane kisqadar
kya hi soorat aapki vo Mustafa Haider Hasan

apna chehra de diya unke baba ne unhe
ham shabi e ghaus the Mustafa Haider Hasan

nazar or dil ka thaamna us waqt mushkil tha
roo baroo hote the jab Mustafa Haider Hasan

tha ayaa raaz e haqiqat unki nigaah e naaz me
parde me be parda the vo Mustafa Haider Hasan

muttaqiyo ki jama'at me the tanha mo'atabar
kya hi taqva aapka tha  Mustafa Haider Hasan

fazkuruni az kurkum ki  tafseer me dekhe agar
zaat e haq me the fana Mustafa Haider Hasan

chupgaye saamne unke hasino me haseen
tha kaha sani Koi Mustafa Haider Hasan

jin nigaaho me basi aapki tasveer he
shaam o saher choomu unhe me Mustafa Haider Hasan

jisne dekha aap ko tanha vo ek shaida nahi
tadapte aaj bhi he sunkar midhat e Mustafa Haider Hasan

Amin,Ashraf,Najeeb,Afzal diye he hum ghulaamo ko
he ek ehsaan humpar aapka Mustafa Haider Hasan

silsila e barkaatiyat ko haasil hua tumse urooj
murshid e azam he mere  Mustafa Haider Hasan

kaha layaq e deed he ye chashm e khatavaar
kaha me or kaha jalva e Mustafa Haider Hasan

vo dikhlade jo roo e tabaa to ye unki karimee he
ho MUZZAMMIL pe inayat Mustafa Haider Hasan

Dar E Qasim Se  lau apni lagaye hue he(n)
Sab ke thukraye tere qadmo me aaye hue he(n)

Apne Amaal ka badla to jahannam me thikana hota Ye karam unka hai daman me chupaye hue(n)

Dast e Qasim jo ho sar pe to zamaane ka ho kyu khauf
Har qadam par vo meri baat bnaaye hue he(n)

Aapki nisbat se pani to he paani Shaha
Hum to sukhe me hi kashtiya  chalaye hue he(n)

Shah e Qasim ka zamane me faiz jaari he
unke dam se hi raah e HAQ  pe hum aaye hue he(n) Gar

Gar na hota jo karam aapka hum par AQAA
Unme hum hote jo Emaan gawaye hue he(n)

Qabr ki tariqee me  mushkil tha safar apna
Ye Kya kam he vo shama e noor jalaaye hue he(n)

Jaan me Jaan aayi us waqt kaha jab aapne shaha
la jawaab Kyu ho bhala lahed me hum aaye hue(n)

Qalb haibat se larasta he sar e hashr apna
Qaher wale ke huzoor aaj hum aaye hue he(n)

Shah e Qasim ne sada Di na ghabraao "muzammil"
Mere NANA bakhshwaane ko to aye hue he(n)

Mazhar e Zaat e Khuda Aal e Syyed Mustafa Janasheen e panjatan sahibul Barkaat hai(n)

Azmat e  na poochiye “sultanul Aashiqeen” ka Tajdaar e Auliya Sahibul Barkaat hai(n)

Paas apne kuch nahi aapki nisbat he bs Hashr ka ho khouf kyu jab Sahibul barkaat hai(n)

Qadam bhatkenge nahi pul se jab hoga guzar
Hath me daman hamare Sahibul Barkaat hai(n)

Dushman e Haq Dushman e dee(n) bil Yaqee(n) vo gaya Haq ki nazro me jo dushman Sahibul Barkaat hai(n)

Ulfat o Mohabbat ki inteha na poochiye Bagh e jannat madhfan e sahibul barkaat hai(n)

Haq he Shahid nazar me ab koi bhi jachta nahi Jab se dekha aap ka dar Sahibul Barkaat hai

Maqaam e barkat Astaa(n) hai aap ka ISHQI piya Qudsiya sir kham dikhe martaba ye aapka  Sahibul barkaat hai(n)

Jab padi mushkil koi mushkil kushaai ho gayi
hum ghulaamo pe nazar e Sahibul barkaat hai(n)

Sar e hashr “muzammil” is shaan se jayega dekhna
Hath me daman mere Sahibul Barkaat hai(n)

Nabi ki aal ki shaadi Ali k laal ki shaadi
Nosha bane he(n) Fatima ka chaand Abul Hussain

Goondh kar Baghdaad se kya khoob he laya gaya
Vo chamakta noor se sehra Abul Hussain

Auliyaao(n) ka he jhurmut beech me jalwa fighan
Noor ki chadar ke saye me he noori Abul Hussain

Farishte bhi utarte he(n) falak se farsh ki janib
Tamanna he hame bhi ho  didaar e Abul  Hussain

Jholiya bharjayengi aaj sabki maanglo
Sadqa shah e barkaat. luta rahe he(n) Abul Hussain

Raza o Mustafa hardam Qaher the dushman e dee(n) pr
Yaqinan faiz he ye aapka unpar Abul Hussain

Tumhare janasheeno(n) ne nahi tanha kabhi chhoda
Sada saya rahe banke hamaare sath Abul Hussain

Balae(n) khud giraftaare bala us waqt hoti he
K jis waqt bhi pukaaru me  madad ho ya Abul Hussain

Jo dikhlado mujhe jalwa badi bat nahi hogi 
Deed k qabil kaha(n) nazar meri Abul Hussain

Baraati or bhi honge me is layaq nahi mana
Tamanna he meri aao(n) me shaadi me Abul Hussain

Nahi auqaat he meri Jo ajaao me dam bhar
Bulalo Jo muzammil ko karam hoga Abul Hussain

More murshid ameen piya tori surat pe me bal bal jao(n)

Tori Surat hi mora dharam he
Ye sab murshid tora karam
He
Bhaag jage to neend Kaha ho
bin tere mujhe chain kaha(n) ho

More murshid ameen piya tori surat pe me bal bal jao(n)

Hasti he(n) mujhpe mori saari sakhiya(n)
Deed ke khatir douloo(n) ek ek galiya(n)
Khusro jape jese  naam nijaam
weso japu(n) me bhi tora naam

More murshid ameen piya tori surat pe me bal bal jao(n)

Mori lagan bassss tose khuwaja
Mujh ko mitade murshid  mujhme samajaa
Hamri laaj he tore hath
Toraaa hath .....ishvar ka  hath

More murshid ameen piya tori surat pe me bal bal jao(n)

Murkh nikamma he....... or he kameen
Apne . hi rang me ranglo .....mujhko Ameen
Tu na kare to phir kare Kon   rangaai
Tune ameen mori boli lagaai

More murshid ameen piya tori surat pe me bal bal jao

Mujh nirdhan ko tune  dhani banaya
Ek Surat me mujhe rab dikhlaya
Tera mujammil .....murshid putli he Kath ki
Wese hi nachaa jeso...... tune nachaya