Kalaam-e-Muzammil

Muhib -e- Mustafa, Mehboob -e- Rab -e- Auliya Qa’asim
Imaam Ahl -e- Irfa’n Sharh-e-Ramz-e- Hal Ata Qa’asim !

Sarapa Aa’ina -e- Ahmadi, Tanveer -e- Yazdani
Be Hamdillah Qaseem -e- Naimat -e- Ghaus Ul Wara Qa’asim !

Boo -e- Zehra’ai, Faqr -e- Murtuza, Khulq -e- Hasan Dekha
Hussaini Shahzada Paikar -e- Sabr O Raza Qa’sim !

Alam  Barkatiyat Ka Ho Gaya Uncha Tere Dam Se 
Farogh -e- Mashrab -e- Barkatiyat, Barkatnuma Qa’sim !

Duha’ai hai teri ab Zulmato Ne Ghair Rakha hai
Jahaan -e- Teergi Me Masha’al -e- Noor -e- Huda Qa’sim !

Ata Karde Hame do Boond Khumkhana -e- Ishqi Se
Tere Rindo Ki Tujhse Hai Bs Ek Ye Ilteja Qa’sim !

Khudara Apni Chaukhat Se Na Taal Ab Apne Mangte Ko
Kaha’n Jaye Ye tera Naaz Ka Paala Hua Qa’sim !

Zamane bhar Me Hai Mashoor Jab Charagari Teri
Tera Darbaar -e- Aali Kyu Na Ho Darushifa Qa’sim !

Nigah -e- Kor Se Makhfi Rahi hai Ye Haqeeqat bhi
Ba’andaaz-e- Amin -e- Muhatram Jalwa’numa Qa’sim !

Khula hai Manra’ani Ka Ye Uqda Urs -e- Qa’sim Me
Rukh -e- Poornoor tere Janashee’n Ka Jab Dikha Qa’sim !

‘Muzammil’ Haft Aqtabo Ke Maskan Me Kami Kiya Hai ?
Khuda Rakhe Salamat Ye Tera Behr -e- Ata Qa’sim !

Nazrana -e- Aqeedat, Sahib-e-Urs -e- Qa’asmi, Ba Huzoor Mujaddid -e- Barkatiyat, Qibla -e- Alam, Waris -e- Aal-e- Aba, Sharah -e- Ramz -e- Hal Ata, Syed Shah Ismail Hasan Abul Qa’sim Al Hussani  Al Wa’asti Qadri Barkaati Al Ma’aroof Qa’sim Miya’n Sahab Nawwarrallahumarqadahu

Dulaare Mustafa ke , Ali ke Ladle Sunlo Bhikaari Dar pe Aye he Huzoor Acche miya(n) Sunlo

Shah E Shabbir o Shabbar ke Gharaane se mere Dataa Nahi khali koi lota Huzoor Acche miya(n) Sunlo

Tumhare Jad ne karbal me Baqa e deen ke khatir Lutaya ghar ka ghar apna Huzoor Acche miya(n) Sunlo

Raza o Mustafa Akhtar raza ko Faiz Hasil hai Sag e Barkaat ke dil ki Huzoor Acche miya sunlo

Tumhaare Aastaane pe he jhamghat pine walo ka Ataa ho jam e Irfaani Huzoor Acche miya(n) Sunlo

Me kyu dekho bhala koi dar. Tera Dar jab salamaat he Bharo daman mera khaali Huzoor Acche miya(n) Sunlo

Rahe Qayam Qayamat tak mere “MURSHID” ka maikhana Muzammil ki dua he Ye huzoor ache miya sunlo

Chehra e Amin me Jalwa e Qasim “Dekho” Masnad pe Jalwagar, Ghaus e Zamana “Dekho” Eid e Ushshaq hai Shab e Khirqa ki rasam Roobaroo e sanam masto ka machalna “Dekho”

Inki nazro se jo pile vo bahek sakta nahi Peer e Maikhana pe Umdha hua jhamgat “Dekho” Ghaus e Azam ki nayaab Amanat hai’n Amin Shah e Baghdaad ke Jalvo ka bhi Mazhar “Dekho”

Inke rang’n se hi aya’n hota hai Aashiq ka mizaj Mere Sahaha ka har rang badalta “Dekho” Konsa rang hai jo is Zaat se numaya na hua Mere Khwaja me Amin, or Amin me Khuwaja “Dekho”

Ye Gulistaan e Vilayat ke mahekta hue phool Daur e trikee me ek Shame Vilayat “Dekho” Inke dam se hai baharo ki fazaaye’n Noori Dekhne walo zara Noor e Sarapa “Dekho”

Ye Nigaho se jila Bakshde murda dil ko Bazm e Qasim me ek esa Masiha “Dekho” Doobne deta nahi inka sahara hai mujhe Muzammil ke safine ka bhavar se nikalna “Dekho”

Jigar band -E- Mustafa O Ali “Ishqi Piya hai’n” Farzand E Fataami O Hussain “Ishqi Piya hai’n”

Farsh E Zamee’n , Qudsiya’n dete Hazari Jannat se kam na Bargah E “Ishqi Piya hai’n”

Baghdaad Ki Hawaao’n ka ek lutf mil gaya Jab se ye Sar E Sham’yanaa “Ishqi Piya hai’n”

Jis Dar se bat raha hai ek Jaam E Chishtiyat Aye tishna’labo Maikhana vo ek “Ishqi Piya hai’n”

Paymanaa E Vehdat se hai sarshaar kis qadar Ghayal teri Nigah se jo “Ishqi Piya hai’n”

Joodo karam ki Barishe , vo fazl ke darya bahe Zamaane pe Faiz jaari tera “Ishqi Piya hai’n”

Tanveer E Haq ko dekhkar , Sab keh rahe honge Be Misl Be Misaal he jo. Vo “Ishqi Piya hai’n”

Adavat kufr thehri , Or Mohabbat deen hai teri Allah O Mohammad ke Qareeb “Ishqi Piya hai’n”

Azaad Jahannam se Sar E Arsh hai saare Giraftaar jo Daman me tere “Ishqi Piya hai’n”

Be Sabr Hai Mushtahaq hai Tere Jalwo ke liye Jesa hai “Muzammil” Sag e “Ishqi Piya hai’n”