Kalaam-e-Muzammil

Sarapa Noor Se Ma’moor hai Kaashaana -e- Qasim
Hua Jata hai Dekho Waa Dar -e- Maikhana -e- Qasim !

Banaam -e- Urs Qasim Yu’n hi’n Shamma Par Fida hone
Qayamat Tak Chale Aate rahe’n Parwana -e-Qasim !

Ada Karta hai Sajde Be Khudi Me Paa -e- Jana Par
Kaha’an rukta hai rukne Se Bhala Mastana -e- Qasim !

Na Boo -e- Shirk rehti hai, Na Imkaan-e- Dui Bachta
M’ai -e- Taueed Se Labraiz hai Paimana -e- Qasim !

Nazar Qaid -e- Ta’ayyun Se Ruhaayi P’aa Gayi Jab Se
Dil -e- Viraa’n Hua Jata hai Jalwa Khana -e- Qasim !

Jhuka Kar Sar Dar -e- Qasim Pe Kehte hai’n ye Diwane
Khusha Qismat Ye Sar Ho Jaye Gar Nazrana -e- Qasim !

Hai Arz -e- Bargah -e- Saqi -e- Sehba -e- Qasim se
Pila Nazro Ke Maikhane Se Ab Paimana -e- Qasim !

Dayaar -e- Ghaus ki hi Si fiza Ma’aloom deti hai
Bana hai Rashq -e- Furdaus -e- Baree’n Kashana -e- Qasim !

Muqaddar Bangayi Rusvaayi Unka Har Zamaane me
Hqeeqat Jaankar jo ho Gaye Begaana -e- Qasim !

Dar -e- Barkat ki Barkat Se ‘Muzammil’ Ko Sar -e-Mehshar
Bulaya Jaaye Ye Kehkar Ye Hai Diwaana -e- Qasim !