Kalaam-e-Muzammil

Khusha Kismat Jo hai Zair-e- Liva -e- Shams -e- Marehra
Use Kiya Gham Jise Apna Bana’aye Shams -e- Marehra !

Huzoor -e- Ghaus -e- Azam Ke Hue hai’n Nayab -e- Mutlaq
Ata -e- Ghaus -e- Aazam hai, Ata -e- Shams -e- Marehra !

Nazara Kyu’n na ho usko Jamaal -e- Mustufa’ayi ka
Rukh -e- Anwar Jise Apna Dikha’aye Shams -e- Marehra !

Kuch esa dabdaba Aalam Me hai Unki Wilayat Ka
Zamee’n ta Arsh Lagti hai Sada -e- Shams-e- Marehra !

Bashar Esa Bashar Jispe Malayak Naaz Karte Hain
Adab Se Qudsiya’n Choome’n Rida -e- Shams -e- Marehra !

Ma’a -e- Baghdaad Ka Saqi hai Marehre Me Jalwagar
Ata -e- Ghaus -e- Azam Se Pila’aye Shams-e- Marehra !

Hai’n Achche Or Bhi lekin Mere Achche Miya’n Vo hai’n
Buro Se Bhi Buro Ko Jo Nibha’aye Shams-e- Marehra !

Hu’n Arz -e- Bargah -e- Saqi -e- Sehba -e- Ishqi Me
Ina’ayat Kun Ba’haal -e- Man Bara’aye Shams -e- Marehra !

Ba Waqt -e- Ja’kani Me Keh uthunga Dekh Kar Unko
Na Ghabra’ao ‘Muzammil’ lo vo Aaye Shams -e- Marehra !

Nazrana -e- Aqeedat, Ba Huzoor Shams -e- Millat O Wadden Nawwarrallahumarqadahu !

#UrsMubarakShamsEMarehra